Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Medijowe wózjawjenja (archiw)

 

Myto Miny Witkojc 2022 za Bernda Pittkuningsa

Cottbus/Chóśebuz,

Powěsćowy tekst RBB ze zdźělenja wót 10.10.2022 (link):

Za swój angažement w dolnoserbskej rěcy dostanjo pěsnikaŕ a kabaretist z Chóśebuza Bernd Pittkunings lětosne myto Miny Witkojc. Bernd Pittkunings pósrědnja inowatiwnje w swójich programach a tekstach serbske temy, rěc a identitu w zjawnosći a stwórijo mósty mjazy Łužycoma. Pśikładnje wobźělijo se na diskusijach wó rěcnej politice a rewitalizaciji dolnoserbskeje rěcy. Jogo głos znajośo teke z našogo programa w jogo komentarach "Tak ja to wiźim". A teke do Nowego Casnika a Pratyje lubowaŕ knigłow pšawidłownje dopišo. Rozsud njejo tenraz lažki był, tak cłonk jury a referent zagronitego za nastupnosći Serbow pśi kraju, Měto Nowak.

8. decembra smějo Bernd Pittkunings myto pśiwześ we woponowem zalu w Lubinje. Myto jo dotěrowane z 2500 euro.

***

Załožba za serbski lud gratulěrujo Berndej "Pytko" Pittkuningsej wutšobnje k toś tomu wuznamjenjenju!

Dalšne powěsći k temje: