Myto Ćišinskego 2019 Załožby za serbski lud pósćijo se Marii Elikowskej-Winklerowej.
To jo rozsuźił kuratorium k pśepowdaśeju Myta Ćišinskego na swójom pósejźenju dnja 24. junija 2019 w Budyšynje.

Dolnoserbska wucabnica a žurnalistka z pólskimi kórjenjami dostanjo toś to wusoke cesćenje za jeje dłujkolětne a njewomucne statkowanje za zdźaržanje a dalejdawanje dolnoserbskeje rěcy we wšyknych generacijach a za jeje wobstawne pódpěrowanje serbskich kulturnych a trajnych projektow w Dolnej Łužycy.

Spěchowańske myto k Mytu Ćišinskego pśiwuznajo se teamoju Radija Satkula, młoźinskego magacina serbskego rozgłosa MDRa. Južo dlej ako 20 lět prezentěruju młode Serbowki a Serby, mjazy nimi wuknice a wukniki, wuknjeńce, studentki a studenty na fryšnu a originelnu wašnju młoźinske temy w górnoserbskej rěcy w rozgłosu, w nowych medijach a na zjawnych zarědowanjach. Z tym wóni wugbaju njewótrjakne pśinosk ku kšuśenju serbskego wědobnja a identity młodeje serbskeje generacije.

Głowne a spěchowańske myto pśepódajotej se w drugej połojcy oktobra w rodnej jsy serbskego basnikarja, w Pančicach-Kukowje.