Znowa běštaj Lubina a Dušan Hajduk-Veljković na literarnu dźěłarničku w nošerstwje Załožby za serbski lud prosyłoj. Nawjazujo na prěnju dźěłarničku lětsa w měrcu stejachu zaso krótke słuchohry za dźěći w srjedźišću. Awtorce-wobdźělnicy běštej w předpolu nowe a předźěłane swójske teksty zapodali, kotrež so na dźěłarničce rozjimachu, diskutowachu, wobsahowje a rěčnje wobdźěłachu.

Wobdźělnicy dźakowaštej so nawodomaj a załožbje za móžnosć, swoje literarne kmanosće wuwiwać a polěpšić. Dalša literarna dźěłarnička ma so klětu w nalěću přewjesć.