Myto Ćišinskego 2023 Załožby za serbski lud pósćijo se nazymu (14. oktobra 2023) Jurjoju Łušćanskemu za jogo wjelebocne płodne kulturne a wuměłske statkowanje a za wobstawne wuźaržowanje zwiskow k słowjańskim susedam na dobro serbskego luda.

Spěchowańske myto Ćišinskego pósćijo se Gregoroju Kliemoju za jogo kreatiwne a wjelebocne kulturne źěło, za zamóžnosći wšykne generacije za Dolnoserbstwo zagóriś ako teke inowatiwne muzikowe projekty zwopšawdniś.
To jo rozsuźił kuratorium k pósćenju Myta Ćišinskego na swójom pósejźenju cora, 2. maja 2023 w Budyšynje.

Swětocnosć k pósćenju mytow buźo 14. oktobra 2023 w Smochčańskem kubłanišću swětego Bena.
Pśedsedaŕka kuratorija Susann Šenkec zdźěli, až jo nadawk mějuca zwězkowego kněžaŕstwa za pšašanja wusedlarjow a narodnych mjeńšynow, kněni Natalie Pawlik, wobźělenje na njej pśilubiła a buźo myśe pśepódaś.