Załožba za serbski lud swěśi 40. jubilej

Jo zasej tak daloko. Slědne pśigótowanja za lětosnu schadowanku běže. Swěśimy jubilej – 40. schadowanku. Za to smy sebje městno we wutšobje Chóśebuza wupytali. W Bramborskem krajnem muzeju za moderne wuměłstwo BLMK – lěpjej znaty ako dizelowa milinaŕnja – wótcakujo was pisany, wuměłstwowy program. Balet Serbskego ludowego ansambla pókazujo wurězk swójogo nowego programa „Stawiznicki wó wóźe“, Clara Werden prezentěrujo swóje nejnowše serbske titele a wideowa instalacija na amtskem gaśe buźo wšyknych fasciněrowaś. Aktualnje jo wiźeś w BLMK wustajeńca „Njewěste dotyknjenje | njewěste dotyknjenje “ serbskeje wuměłcowki Helle Stoleccyc. K schadowance dajo wóna nam w běgu wjacora wósobinske póglědy k jeje wobrazam.  Gósći teke hyšći dalšne programowe dypki wótcakuju - pśecej z póśěgom na „wuměłstwo“.

Samorozmějucy se teke swěśi. Wó partyjowu atmosferu se póstaraju lětosa górnoserbske Popserby. Wšojadno lěc pop, hip Hop abo Techno – polka style Popserbow wšo póbitujo.

Wjaselimy se nad wšyknymi gósćimi, kenž lubuju serbsku kulturu. Móžośo rejowaś, se z pśijaśelami zmakaś, se w serbskej drastwje pokazaś abo wobraze ze 40 lět schadowanki pśesnuchliś.

Pśedawanje kórtkow jo zachopjone. Ale lětosa su kórtki wobgranicowane. Pótakem chwatajśo.

termin: 12.10.2024
městno: Dieselkraftwerk Chóśebuz, Pśi amtskem gaśe 15
cas: zeger 19:00 / zastup wót zeger 18.00

Kórtki dostanjośo w pśedpśedani w Serbskej kulturnej informaciji LODKA w Chóśebuzu a online na www.eventim-light.com.

płaśenje kórtow: 11,00€ / pónižone* 7,00€
zbytne kórtki na wjacornej kasy: 14,00€ / pónižone* 10,00€
(*pónižone su studentki a studenty/ wuknice a wukniki, dopokaz jo trjebne)