Filmarje a filmarki glědajśo! Jo zasej tak daloko, zapódaśe za Łužysku filmowu pśeglědku startujo. Wšojadno lěc z handyjom filmowany abo z kameru wjerśone, wótněnta móžośo waše krotke filmy zapódaś.

Lausitzer FilmSchau - Łužyska filmowa pśeglědka - Łužiska filmowa přehladka: Łužyca jo kraje pśesegajuca a tak su wšykne filmarje z Górneje a Dolneje Łužyce napominali, swóje filmy zapódaś.

Wót klimowego šćita pśez strukturnu změnu, wót serbskich tradicijow až k modernje, wót wšednych starosćow, fantazijow a lubosći – tematiski njestaja łužyska filmowa pśeglědka žedne granice. Jadnučke wuměnjenja: filmy njesměju w komercielnem konteksće nastaś a njesměju dłujkosć 20 minutow pśekšocyś. Dokradnje reglement how.

Až do 01. oktobra mógu se filmy how zapódaś.
Pónjeźele, 6. nowembra 2023 wótwórijo Lausitzer FilmSchau – Łužyska filmowa pśeglědka – Łužiska filmowa přehladka tradicionelnje zeger 19 festiwalny tyźeń 33. Filmowego festiwala Chóśebuz (7.-12.11.2023) w "Weltspiegel".

myta

Mimo sławy a cesći maju wšykne wobźělniki šansu na tśi myta: Za nejlěpšy film se pśepóda głowne myto we wusokosći wót 1.500 euro, wustajone wót APEX projekt Chóśebuz. Wó pósćenju myta rozsuźijo njewótwisna, tśigłowa jury, kótarejž kuždy raz teke zastupnik / zastupnica serbskego luda pśisłušajo.

Wósebne myto Załožby za serbski lud, kótarež se jano na film pósćiwa, kótarež se na temy serbskego luda nawězujo, serbsku rěc zapśimujo a ju, źožkuli jo móžno, direktnje nałožujo, jo dotěrowane ze 1.000 euro. Wó rozdaśu rozsuźijo tejerownosći jury.

Woglědowarje Łužyskeje filmoweje pśeglědce rozsuźiju z pomocu głosowańskego lisćika wjacor zarědowanja wó dobyśarju myta publikuma, nakupowański bon w gódnośe 250 euro. Dobropis pódawa SprjewinaGalerija – cityjowej nakupowańskej kafejowni w Chóśebuzu. Dobyśaŕ publikuma jo film z nejwěcej pśez głosowańske lisćiki wótedanych głosow. Wón se pśez wulicenje zwěsćijo.

Akcija! – Spěchowańske myto / filmowe spěchowańske myto

Na Łužyskej filmowej pśeglědce se, pśidatnje k južo wobstojecym mytam, nejlěpšy filmowy koncept wuznamjenijo.

Sćo jaden team z nanejmjenjej tśich filmowych zagórjonych mjazy 12 a 25? Bydliśo we Łužycy? Na co cakajśo? Zapódajśo wašu ideju!

1.000 euro dajo za TU pśeznanjecu filmowu ideju, k tomu produkcijowy budget. Wuwijanje scenarijow, techniske pśesajźenje a rěz – pśi tom stoj wam filmowy profi k pomocy. Wšojadno lěc lubosćinska romanca, krimi abo trikowy film – dolnoserbska rěc dejała se we wašom filmje powědaś. Wěŕśo sebje, teke gaž je (hyšći) njepowědaśo, pśeto dajo pomoc wót Šule za dolnoserbsku rěc a kulturu.

Gótowy film dej mjazy pěś a dwaźasća minutow traś. Lěto maśo cas za wuwiśe a nagrawanje – w nowembrje 2024 swěśi waš film pótom pśi Łužyskej filmowej pśeglědce premjeru. A dobydnjo snaź głowne myto? Pśeznańśo nas a sćelśo krotke procowanje, małe teamowe pśedstajenje a wašu filmowu ideju z mejlku na filmschau@filmfestival-cottbus.de.

Akcija! – Spěchowańske myto / filmowe spěchowańske myto w cełkownej gódnośe 3000 euro, se wót Šule za dolnoserbsku rěc a kulturu a filmowemu festiwaloju Chóśebuz pósći.