Medijowe wózjawjenja (archiw)
Digitalne dyrdakojske graśe w serbskej rěcy jo wujšło
Online,
Česke dyrdakojske graśe “Pěś magiskich amuletow” jo se do serbšćiny pśełožowało
W meniju graśa móžoš grajer mjazy górno- a dolnoserbšćinu wuzwóliś
Rozjasnjenje graśa w dolnoserbšćinje
Źowćo Linda groni górnoserbski...
... až teke dolnoserbski.
Česke digitalne dyrdakojske graśe “Pěś magiskich amuletow” wopśimujo něnto teke górno- a dolnoserbski pśełožk. Głowna wósoba dyrdakojstwa jo młode źowćo Linda, kótaraž dej kralojstwo Nyron z pazorow njeplecnego guslarja wulichowaś. Linda jo se wupórała na drogu, aby domownju wuchowała a pěś magiskich amuletow namakała. W cełkownje styrich kapitlach a wěcej ako 70 z ruku wumólowanych scenach póznajo grajaŕ pśi tom nanejmjenjej 50 charakterow.
Teke gaž jo česke graśe južo pitśku starše, změju wósebnje źiśi a serbski wuknjece wjasele z tym dyrdakojstwom. Dermotna app stoj za wšykne mobilne rědy ako teke za kompjutery z Windows 10 a 11 k dispoziciji. Namakajośo ju w digitalnych wobchodach (app store) pód gronidłom “Serbske apps”.
Załožba za serbski lud jo pśełožka do dolno- a górnoserbskeje rěcy spěchowała.