Až do srjody, 31.07.2024, jo do zastojnstwa załožby dojšło dogromady 41 pšosbow wó spěchowanje za lěto 2025. Su to głownje pšosby ze spěchowańskim wolumenom nad 10 TEUR a wót togo 3 we wobłuku nowe medije.

Mjazy pšosbami su take wó pódpěru za zwopšawdnjenje wětšych zarědowanjow, ako na pśikład

• Towaristwo Cyrila a Metoda z.t. (TCM) / pśedstajenje źiwadłowego graśa „Pasion – Slěduj mě",
• Serbske šulske towaristwo / dwě rěcnej lěgwje za źiśi a młodostnych a
• Spěchowańske towaristwo „Pśiś a hyś" - festiwal šesćiměstow! z.t. / realizacija produkcije "Póglědy - rum - wócy - póglědy" / multimedialna instalacija

Cełkownje su pšosbarje wó wěcej ako 2 mio. EUR spěchowanja pšosyli.To pak njegroni, až buźo załožbowe zastojnstwo wšykne pšosby pśizwóliś móc.

slězynowa informacija:
Až do 31. julija maju se kuždolětnje pla załožby zapódaś pšosby wó spěchowanje za projekty pśiducego lěta, gaž jo wobměra póžedaneje sumy wušej ako 10.000 EUR.
Pšosby za projekty 1. połlěta 2025 ze spěchowańskeju sumu pód 10 TEUR maju hyšći až do 30.09.2024 casa.
Wobšyrne informacije, spěchowańskej směrnicy a aktualne trjebne formulary namakaju zajmce na internetowem boce załožby pód stiftung.sorben.com.

We wobłuku sakskich strukturnych srědkow stej se mimo běžnych projektow až do 31.07.2024 nowej pšosbje zapódałej.
Toś tej se nejpjerwjej strukturnej pśiraźe pśedpołožyjotej a Załožbowa rada pótom akle kóńc nowembra wó móžnem spěchowanju rozsuźijo.