hornjoserbsce dolnoserbski deutsch
 
 
WITAJĆE
AKTUALNE
WO NAS
SPĚCHOWANJE
PROJEKTY
KONTAKT
POKAZKI
IMPRESUM

Financowanje ::

 

Z časa přewróta je zdźerženje a spěchowanje serbskeje rěče a kultury zhromadna naležnosć Zwjazka, Kraja Braniborska a Swobodneho stata Sakska. K spjelnjenju załožboweho zaměra dóstawa załožba lětnje zjawne přiražki. Podźěl Zwjazka wučinja při tym 50 % potrjeby, druhu połojcu kryjetej krajej Sakska a Braniborska w poměrje 2:1.

 

K zwoprawdźenju załožboweho zaměra wužiwaja so nimo toho zarjadniske dochody běžneho lěta a wunoški ze załožboweho zamoženja.

 

Redukowanje přiražkow na załožbu wo wjace hač 20 % wot lěta 1992 wjedźeše k njesnadnemu wottwarej personala.

 

Najebać w financnym zrěčenju z lěta 1998 předwidźaneho lětneho zniženja srědkow Zwjazka zasadźeštej so krajej stajnje za spěchowanje załožby, kotrež woprawdźitym nadawkam wotpowědowaše a so na financnym ramiku w cyłkownej wysokosći 16,4 mil. eurow orientowaše. Kraj Braniborska swój podźěl prěni króć w lěće 2003 wo 149,8 tys. eurow skrótši, dalši króć w lěće 2005 wo 151,9 tys. eurow. Jeničce Swobodny stat Sakska podpěraše załožbu w lětach 1998 do 2008 konstantnje z 5,454 mil. eurami. 

Z podpisanjom Druheho financneho zrěčenja dnja 10. julija 2009 buchu přiražki pjenjezydawarjow hač do lěta 2013 kruće zapisane. Za lěto 2013 pak Zwjazk zwonka tutoho zrěčenja swój podźěl na załožbu wo 500,0 tys. eurow zwyši. Tuž stejachu załožbje na zakładźe runočasneho koplowanja přiražki krajow na sumu Zwjazka cyłkownje 1.023,6 tys. eurow wjace k dispoziciji, štož so 2014 wospjetowaše.  

Dnja 15. februara 2016 bu Třeće financne zrěčenje mjez Zwjazkom a krajomaj podpisane a załožbowy etat najprjedy raz hač do lěta 2020 na stabilny zakład stajeny.

 

Dnja 22. nowembra 2016 wobzamkny Załožbowa rada hospodarski plan Załožby za serbski lud za lěto 2017 ze slědowacymi přiražkami:

 

Zwjazk                        8.300,0 tys. eurow
Swobodny stat Sakska  6.200,0 tys. eurow
Kraj Braniborska          3.100,0 tys. eurow

 

cyłkownje:               18.600,0 tys. eurow.

 

Nimo toho přiražki Zwjazka za přidatne personalne wudawki we wysokosći 15 000 eurow a Swobodneho stata Sakskeje we wysokosći 10 700 euro, dale za projekt "Serbska rěč w nowych elektroniskich medijach" wot Zwjazka we wysokosći 765 00 eurow (rozdźělene na 3 lěta) a Sakskeje we wysokosći 250 000 eurow. Kraj Braniborska staji za projekt w lěće 2017 tohorunja přidatne srědki k dispoziciji, a to 89 000 tys. eurow. 

 

 

Prěnje financne zrěčenje 1998 (němsce) (PDF)

Druhe financne zrěčenje 2009 (němsce) (PDF)

Třeće financne zrěčenje 2016 (němsce) (PDF) 

Zjawne přiražki 1993-2013 (PDF)

Hospodarski plan 2015 (PDF)

Hospodarski plan 2016 (PDF)

Hospodarski plan 2017 (PDF)

WERSIJA ZA ĆIŠĆ HŁOWNA STRONA >>>

Last UpDate 16.01.2010 - based on CSalrCMS 4.2 Build 1453 by CS active 2002 - Global Solutions @ Christoph Sareng