Póstrowne słowo 

Witajśo k nam, na internetowych stronach Załožby za serbski lud!

22. měrca 2007 su mě pśi góźbje pósejźenja rady Załožby za serbski lud na pśedsedarku wuzwólili. Prědny raz pśiźo pśedsedarka nejwažnjejšego gremija załožby z Dolneje Łužyce. Njecujom se jano cesćona, ale pśewzejom zastojnstwo ze zawězanim, móju cełu móc a wědu stajiś do skšuśenja narodneje identitiy.

Zeźaržanje a wuwijanje mamineje rěcy a serbskeje kultury we wšyknych swójich wósebnosćach jo wóla serbskego luda.

Cu se pilnowaś a procowaś, wjasć gromadu mócy w toś tom wažnem źěłowem gremiju, aby se teke w Dolnej Łužycy narodne žycenje społniło. Trjebamy wšykne naše kubłańske institucije, towaristwa, wědomnostne slěźenja, kótarež se pśez serbsku rěc dopokazuju, ale wósebnje teke te, kenž nałožowanje rěce a kultury spěchuju, na pśikład muzika a wuměłstwo we wšyknych žanrach.

Ako pšawozamóžna załožba spěchujomy serbske institucije rowno tak ako nejwšakorake projekty w našyma Łužycoma.

Pśepšosujom Was, pórucenja Załožba za serbski lud wužywaś.

Waša

Lejna Theurigowa

žiwjenjoběh (PDF)